Txinatar Medikuntza Tradizionala osasuna zaintzeko eta gaixotasunak prebenitzeko sistema integrala da, gizakiaren oreka naturalean oinarritua eta inguratzen duen munduarekin harmonian. Sendatzeko sistemarik zaharrenetakoa da, eta milaka urtez praktikatzen aritu diren teknika da; gaur egun, inoiz baino gehiago dago indarrean, planeta osoan zabaldu baita.

Diziplina mediko guztietan bezala, garrantzitsuena pazientea da, haren osasuna berreskuratzeari (oreka, harmonia), eta izan dezakeen desoreka prebenitzeari dagokionez. Helburua pazienteari bere oreka berreskuratzen laguntzea da (fisikoa, emozionala, mentala), baina kalterik eragin gabe, diziplina mediko guztietako deontologian edo kode etikoan kokatuz praktika.

Txinatar Medikuntza Tradizionalarentzat gorputza osotasun integratua da. Egitura bakoitza multzoaren zati integral eta beharrezko bat da. Adimenarekin, emozioekin eta espirituarekin batera, gorputz-egitura fisikoek bizi-indarrak edo energiak (Qi) elikatzen duen sistema miragarriro konplexua eta elkarri lotua osatzen dute.

“Sendatzeko behar duzun guztia zure izaeraren barruan dago”

Naturarekin erabat lotuta gaude. Naturan gertatzen diren aldaketak beti islatzen dira gure gorputzean, eta faktore askok eragiten digute. Urtaroa, kokapen geografikoa, eguneko ordua, adina, genetika… Faktore horiek guztiek eragina dute gure osasunean. Baina denok jaio ginen auto-sendatzeko gaitasun naturalarekin. Gure gorputza makrokosmosa islatzen duen mikrokosmos bat da. Naturak birsortzeko gaitasuna badu, guk ere badugu. Batzuetan, trebetasun hori galtzen dela eman dezake, edo zaila dela eskuratzea, baina, kasu gehienetan, ez da inoiz erabat desagertu. Txinatar Medikuntza Tradizionalak auto-sendatze funtzio hori birsortzen laguntzen du. Horren bidez, zure gorputzaren hizkuntza ulertzen dugu, eta seinaleak hautematen ikasten dugu, gertaerei aurrea hartu ahal izateko.